Home > Android > [轉貼]國産無牌智能手機

[轉貼]國産無牌智能手機

轉貼:http://blogcity.me/blog/reply_blog_express.asp?f=2K696SV3UC22495&id=472920

國産無牌智能手機 – 期望失望
2012/10/13 下午 03:19:01
網誌分類: 其他

這投訴唔知寫去邊,上 Uwants 未試過又無 ID,唔講唔順,所以寫上這裏先。

早半年到被報上廣告吸引,見國產手機花樣多,可以雙咭雙號,平,所以千多元買了一部試下。經驗如下:

買在銅纙環的 Ask 店,經常有新機種,差不多幾星期換一轉。買時店員隨意架上拿部下來,有盒但不是封的,所以不肯定是新的,問店員就話部部都係咁。話跟發票單保一年,但無俾保養咭,其後壞左去問才求其補一張。

用了大約半年,其實還不錯,要做的都做到,跟要幾千的三叔無分別。我還笑人點解有平唔用。但用用下電開始弱,開關制鬆。終於個多月前開唔到機。

打去 Ask 問,俾個電話叫去問間叫 Peng Bo 鵬勃 的公司問,鵬勃話要保養咭,唔係收二百。所以又要再去 Ask 拿保養咭,咭上一大段細字,可能寫了很多免責,唔怪得買時唔俾。

機要拿到深水涉一間樓上小店,去到見排了十多人的隊,整手機平板電腦,聽到有人話整左幾次,有人話剛整完,行出門就又死。心知不妙。

放下部機,隔了兩星期打去問,俾佢鬧邉有咁快,起碼四五星期啦。

隔了四星期終於打來話:廠話可能我部機自己整過,唔肯定,但一定要換零件,保養唔包,要收 四百幾。當然火起剷佢,但未夠三句己經話佢公司只是中間人,有投訴各樣不滿,可去消委會。似是例牌經常處理方法。

四百幾去修理一部千多元的機,整完唔知可再用幾耐的,當然唔會啦。

咁千多元的機用上半年值唔值,你自己衡量。

雖然用這些機有心理準備,但現在商店和出產商的做事手法真係吹脹。

在這城市生活,真係萬事小心,聰明但無良的人太多了。

//

其實我識得有人用國產手機一年都無事, 真係睇手神和要小心用.

現在電子產品和售後服務一般都好差, 用過幾個 Mon 和 TV 都是一過保養就玩完, 要修理貴過買新机, 非常浪費.

Lenovo 手机我都有諗, 但好驚又hi.

好像是 star, 4.3吋

真係最唔順係售後, 我知現在電子產品多是如此, 有保養等如無. 最差是制造电子垃圾, 其實是可以做得耐用些, 或可修理的, 只是多數生產啇沒有這理念.

我估我部機只是開關小問題, 廠懶得修理吧.

//

——————————————————————————————

按:其這種情況也不只發生在大陸機,就算三星索尼也會這樣,港行沒保養,無配件要另加錢諸如此類,身邊不少朋友發生過,消委會去年亦有專門報道。其實問題就是,小公司大公司做保養同樣做得不好,唯有蘋果可以毋須單據,替你換新機,應了陸羽仁一句:「牌子唔識做品牌,如果做到又平品質售後服務又好,最終會崛起,唔係點解蘋果賣咁貴?」

以下引述消委會去年關於手機的投訴情況。消費者委員會2011年頭9個月收到1085宗有關手提電話的投訴,其中42%(457宗)涉及保養及維修服務,相較2010年的手提電話投訴中(1825宗),約29%(533宗)涉及保養及維修服務,比率大增,反映手提電話供應商之保養及維修服務,質素每況愈下。

個案一
趙小姐經A電訊公司購買X牌子的新款手提電話,使用約一個月後手機出現雜音,遂交予X公司之維修中心檢查及維修。公司職員指,手機不能維修,只能更換新機。趙小姐其後收到該公司更換沒有包裝之「新機」,她查證後得知,換回來之手機並非於本港出售的型號。她非常不滿,於是到消委會要求協助。

該手機供應商表示,其公司政策是以「服務型號」(service unit)處理客戶之手機維修要求,並強調投訴人取得的手機,雖然不是全新且沒有包裝,但功能卻等同一部新機,又以須遵從公司環球保養政策為理由,拒絕提供新機或退回客戶之「舊」手機。

個案二
錢先生於B電訊公司購買手提電話,使用約三個月後出現故障,於是將手機送到該電訊公司維修。職員檢查後表示,手機底板損壞需要更換,但零件缺貨;結果,錢先生等待了兩個多月,仍只獲回覆「零件尚未到貨?。錢先生認為該公司有心拖延,於是向消委會投訴。

本會就錢先生的個案多番聯絡B公司,幾經波折後,終於聯絡上B公司負責人,獲回覆指,有關之手機零件已停產,不能維修,該公司只能以批發價,讓投訴人購買其公司另一款手提電話。錢先生感到十分失望,不接受該公司的解決辦法,更表示不會再花錢購買該公司之產品。

個案三
孫先生購買一部C牌子的最新型號手機,使用六個月後因不斷出現故障,於是把手機送往C公司修理。維修後故障問題仍然持續,再次維修也並無改善。C公司其後建議,以港幣1,500元回收他的手機,但投訴人需另付手續費港幣300元。孫先生認為,要求顧客額外付錢退掉該公司生產的有問題手機的建議,十分荒謬。經本會調解後,C公司最終答應為他更換新機。

供應商以所謂「服務型號」(service unit)處理要維修的手機,有關安排值得商榷。據報,有關的手機供應商最近在亞洲其他地區,修改了其環球保養政策,若維修不果,可為客戶更換全新手機。消委會已去信有關公司,要求延伸其新政策至香港。

消委會又呼籲手機商銷售手機時,應備有足夠的零件。在消費者購買手機時,倘若零件缺貨,或停止生產,手機商應通知顧客確切到貨日期或生產情況。事實上,消費者在等候手機維修期間,仍需負擔該期間之流動電話網絡費用。

消委會接獲不少投訴指,手機經重覆維修後仍不能解決故障。部份手機供應商的售後服務並不理想,維修服務欠專業,令消費者為手機反覆出現的故障奔波往還,這種有欠妥善的售後服務,實在有損公司聲譽。

消委會提醒消費者選購手機前要留意保養維修條款,再決定是否購買。

Categories: Android
  1. No comments yet.
  1. November 18, 2012 at 2:02 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: